Breaking News

Maram Chadaba Thourangna Biramangol College Ki Atmosphere Kaihallabra?

Letter to Editor,

Maram Chadaba Thourangna Biramangol College Ki Atmosphere Kaihallabra?
Ukhrul Roadki Sawongbung da leiriba Biramangol College ta yamna maru oiba adubu khwaidagi laibak thiba college asida maram chadaba thourang amana college asigi mahei masing tambagi thabakta ayetpa thokhallabra haibagi thajaba awangba thaktagi fangba paogi likhul amana hairi.


Manipur Government na hanna yengbidraba,awat apa yengsinbidaba kuiraba,miraiduna langthokpiduna matam kuina thambiraklaba college asigi houjik oiriba fibam asi pukning nungsiningai oiri,leingak chupli pairiba,angam athousingna college asida makhoigi khutchabi thiduna touning touningbada touduna leirabra haibagi chingnaba leitaba natte. Quality education puraknaba hotnabagi mahutta maheiroi khunnaigi yaifanaba, college asigi awat apasing yengsinbibagi mahutta leingak chupli paibasingna touriba thouwongsing asi neinaningai oiri.

College asigi chaokhat thouranggi lamda pukning changbagi tangai fadaba leiriba houjik houjikki fibam asida leingak chupli pairiba angam athousingna karigidamak college asida maram chadana khut thingjillibano haibasi khanbada mammi. College gi yaifanaba thousil thourang paikhatpibagi mahutta college asidagi kannabadi louningba sakti rajnitiwalasing aduna khut thingjillakpadagi houjik college asi kangkhong chaire hairi.Amamba erolnungda hougat kangkhat ngamloidaba fibam amada thambiba asina college asigi tungi maraibak kari oirakadage haibasi college asibu nungsibiba miyamgi thammoida ningdol pomnariba wafamni.

Maraksida college asigi principle oiningbana ngaoraba oifam thoktaba,maram chadana namfuda ngammi matagum seniority list ta 20 gi makhada leiba oja amana yamlaba senfam kaya thadaduna, khutnekki agent thadoktuna college asigi principle oigani haiduna wachat wanom tourakpagi nungairaba kum-mei amasu engan nganna uuba fanglakle.

Masigi wathok asina asum asum chaothokraktuna college gi thabak thouramda maru oina maheiroisingi mahei masing tambagi lamda chaona akaiba pire. Government na semba managing committee amana “Look After” kouba fam ama asonba oja amada hapchillaga laifadhabi sannabagum sannaduna leire. Asha amatta touningai leitraba “Look After” asigi thabak khutouda maheiroipumba ningba kainare, saobana mei houre.
Hairiba college gi care taker managing committee asisu “Manipur Education Code 1982” gi niyamna yadaba committee ni. Manipur Education Code na D.C amabu collegegi administrator oihanba SDC amabuna member oihanba haibasi sukya yade.Kanagumbana court ta wakatlabadi thinthadana action loufam thokpani, adubu law na yadaba committee asina college asigi shel thumgi chupli pumba paisilfam thokpra natraga thoktabra haibasi khananingai oiri.

 Ojagi sinfamda matam sangna khongdaraklaba, college asigidamak wajaraklaba senior oiraba oja amabu principle gi thindokfam thok e,adumakpu hek lakpaga aranba thabakta khut thaduna seniority listki mamei haibadi 20 gi makhada leiba makhoi khujok kharana principle hapningba misak amagidamak thabak touba houre haibasina achumba wafam oirabadi mari leinaba authorityna yengsinfam thoktabara? Hanna principle oirakpa misak amagi mahutta asonba mioi/oja amada matam kharagi “look after” haplaga makhoina pamba,khutchaba misak amabu mioi 20 henna kallaga principle oina thangjinnaba touriba thourang asi college asibu nungsijaba mioi ama oina yajaningde.
Pumnamak asi urakpadagi ahal oiraba ojasingi pukning wakhalda hainingai leitana sokhalle,thammoi kaihalle.Maheiroisingsu charangnare,karigumba thabak asi pangthoklaklabadi prajasingi asaobadagi hourakpa meirina waiduna college asi mei houduna chaklakpa haibasi college asigi administrator oiriba D.C na khangfam thoktabra?

College asi lamdam asigi lairaba prajasingi senglaba laisangni haibasi kaobiganu,masi khangna chatpibana  D.C amadi laikhutsangbi sariba rajnitiwalasing si yaifagani haibasi ningsingbinaba ekai khumnajariba editor gi mamal yamlaba mafamda adomgi pao che gi khuthangda miyamda aranba lambidi mambani achumba lambidi nganbani haiba wafam asimatang paojenjari.

No comments