Breaking News

Pothok Puthokpada Meetopki Design Matou Tamloidabani, Meetou Tambana Eikhoigi Senmitlonda Cheitheng Lakpa Yai : R.K. Anand

CNS: District Handlooms & Textile, Imphal West Government of Manipur amadi Handloom Clusters of Imphal West ani punna khutsamnaraga Sajibu Cheiraobaga mari leinana tha asigi tang 19 faoba chathagadaba Handloom Products Exhibition-2015 cluster 23 na saruk yaduna ngasi Imphalgi Gandhi Memorial MLA R.K. Anand na chief guest oiduna houdokhre.

                                       

Houdokpagi thouram aduda Manipur Apex Handloom Weavers & Handicrafts Artisan’s CS Ltdki President Kumari M.Satyabhama Devi na guest of honour loinana District Handlooms & Textiles, Imphal West ki Project Manager Kh.Roma Devi na thouram aduda preside toukhi.

Chief guest ki warol piraduna MLA R.K. Anandna haikhibada lamdam asidagi handloomgi pothok puthokpa matamda meetopki designgi matou tamdana pothoktanaba hotnagadabani loinana meetou tambana eikhoigi senmitlonda cheitheng lakpa yai amadi eikhoigi mamal yamlaba eeyongi magul hantharakani haina mahakna fongdokhi.

State asigi senmitlon chaokhathanaba amadi lamdam asigi khut heibi fisabisingna puthokchariba eeyongi potlamsing miyamda henna khanghannaba hotnabada asigumlaba exhibition asi tangai fade loinana exhibition asina achouba mateng ama oiragani.

Malemda thoidokna maming chatliba Manipurgi handloom gi pothoksing honglakliba malemgi awonbada matamga chunaba amadi miyamna pamnagadaba mawongda puthoknaba hotnagadabani. Global competitionda lamdam asina saruk yanaba hotnabagi achetpa firep ama loubaga loinana nongpokthong hangbada lamdam asigi miyamna kari thoudang lougadage haibasi khanthahoudragadi thoidokna state asina khudong chaba fangdaba yai haina R.K. Anandna makha tana fongdokhi.

Manipurgi economydi handloomna lepada natana Manipuri society asigi yanglen sarudi handloom amadi masiga mari leinaba pothoksingda yumfam oi. Fisabisingnasu design khaktada wakhal thadabagi mahutta innovative oiba makhalgi miyamna henna pamnagadaba pothok henna puthokhaningbagi apambasu fongdokhi.

Lamdamsigi fisabisingna wana hotnajaraga puthokliba handloomgi productsing mapal lamgi industrysingna matou tamlaga puthokhidanaba eikhoi punna legalgi thourang kari touba yabage haibadu khanaba mathou tai.

India sinba thungbada lamdam asigi eeyongi pothoksing pak sanna khanghanaba hotnabaga loinana Europe, Africa amadi America nachingba chaokhatkhraba leibaksingda exhibition pangthokhaningbagi mari leinabasingi pukning R.K Anandna chingsinkhi.

Lamdamsigi nupisingna maru oina sinfam nairaga suriba fisa lonsagi thabak asi nupa oibasingnasu yaosinduna nupa nupi punna thabak subagi heinabi leihansi loinana matam amada suba nomba kanbagi thouna lingjel leiramba lamdam asi ngasidi work culture marai chaitharaba lamdam ama oirakliba fibam asidagi kalhounaba kok chungsinnaba matam youre hainasu MLA R.K Anandna fongdokhi.
                  


No comments