Breaking News

Imphal City amadi akoiba mafhamsingda houjik thokliba pollution: Manipur Pollution Control Board na kamei khubadouna yengduna leirabra?


Chumthang View,
Imphal, 22nd May,2015: State capital oiriba Imphal city amadi akoiba mafhamsingda houkhiba chahi kayadagee thokliba pollution sing haibadi maru oina air pollution noise pollution amadi water pollutionsing asigee matangda yengsiinaba leiriba Manipur Pollution Control Board na kamei khubadouna tuminna yengduna leirabra haibagee chingnaba leire.
 Turel Esing: Imphal city faoduna cheeliba turelsingee esing feebam amuk haidana karibu kanaruni.Turel gee esing kham thengna motsinbaga loinana sijinnabada laina tilna sandokpagee feebamda leirabani. Turelgee esing mahik chellaba, fatta haodina chingumna peiduna leibagee mathakta turel torbalgee feebam yengbada hangoiba pokningai oiribani.


Manipur gee turelsing India gee atei state singa yengnarubadadi yamna pikpa makhalgee turelsing oiri,eikhoigee turelgee esingda hakthengnana meeyamna dustbin onthokpagee heinabi leiriba asi laibak thibani. State government nasu turel luna nanna thamnaba thabak paikhtabaga loinana leibak meeyamnasu turelgee esing motsindanaba hotbagee thourang toudabaga loinana turelgee nak yetta khunda leitariba mioisingna turel khongnungda fatta haodi langsinba, amang asoi tousanba, fiju fijam tousanba, mahu chellaba yumgee amot akai, aremkhaksing turelda hakthengnana thadajinba asinachingba kaya chathaba maramna turelgee feebam nongma nongmagee sokchillakpagee achouba maram amani.

Government khaktada enthokpagee mahutta meeyamnasu thawai hakchang yaona yaosinduna turel kannaba mahousagee saktam ngaknaba afhaba taru taruba esing oihannba hotnabada thawai yaobagee mami tadri. Amaromda mari leinaba department ama oina leiriba Irrigation and Flood Control Department houjik oiriba turelgee feebam khangna khangna karigee asanba meetyengda tung koina chatnagadaba thousil semduna thinthadana thabak loukhatribagee maram karigino?

Turel khongnungda yum sajinba, dukan sajinba, latrine sajinba, crematorium sajinba, turel mapaldagee nung leingoi louthokpa, leibak kotpa asinachingba kaya kana kanabagumba mioisingna mapu pandabadouna chathariba thouwong thingnaba hotnadriba karigino?

IFCD di nongju pantha yourakpa ngaiduna turelgee esing emai hengatlapa ngaiduna leiraga turel turban semba khaktagee leiba loishang amani haina meeyamna ngangnaribasi chumlagadra?

Air Pollution: Imphal City gee mafhamsingda sitliba nungsitsing ayamba matamda sengdaba nungsit sittuna leiba asi meeyamna ekhang khangnaraba thengnaraba wafham amani.Imphal city mayai faoriba lambising gari thouduna amadi khongna chatpa matamda sengdaba uuful makup makup yaoraba nungsit sittuna meeyamgee chathok chatsin tounabada chaona akaiba piduna anaba mii masing khanghen hengathalle.
                            

No comments