Breaking News

Meeyamna Protest Tounabagee Mafham Sinnaba Manipur High Courtki Yathang: Afhaba Leingak Sason Thamduna Paokhum Pibana Faroidra?

Chumthang News Service,
19thMay,2015,Imphal: Manipur da karigumba maram amadagee leibak meeyam amadi lup kayana makhoigee pandam fhangnaba natraga wakat khanghannba changsilliba tongan tonganba ehou khongjang asiga mari leinana ehou khongjang chngsilliba meeyamgeedamak protest toufham mafham ama sinaba Manipur High Court na State Governmentta pikhiba yathang asi yamna historic oibaga loinana athra leiba yathang amani haina CNS ta maikei kayadagee fongdoknarakli.
Manipur kanglup kayana khundaba apikpa state ama oijarabasu numit khuding gee haibamak yaraba thoudok wathok marang kaiba,meeyamgee pennadaba khollao,wakat kayana thallaba charangnaraba lamdam amani. Masina maram oiraga karigumba maram ama natraga thoudok amaga mari leinana tongan tonganba lanai lupsing, state government ki department singee employee sing, akaknaba mafhamsing, district districtki oina, akaknaba lambi thingba,bandh general strike toina touba lamdam asida state asigee khwaidagee wangba court asina state governmentta khanghalliba wafham asi khanthaningai oiba houjik oiriba state asigee feebamga yamna mari leinaba wafham amani.

Achumba khongthang natraga maram chaba demand oidunasu general strike touba, lambi thingba, gari thugaiba nachingba makhal makha kayagee mawongda meeyamna asigumba thouwongsing chathaduna lakli. Bandh, general strike toubana heeram khudingmakta, meeyamgee nongmagee punsida chaona sokhalli,cheitheng piribani,maheisingee mahei masing tambada akaiba pibaga loinana nongmagee chara tanjaraga hingliba mioisinggee mafhamdadi Manipur pumba bandh haiba wahei asi tingri kanglaba, chinfa puraba toina sijinaba wafham ama oiribani. 

Amaromda government nasu matam chana thabak loukhatpide haiduna pennadraba meeyamna lambi thingba, mei thaba,general strike kouba masidagee hendoktuna sathi sathiraba ehou khongjang kayamarum changsillakpa matam khaktada meet mai pangbagee heinabi leiriba asisu hongdokpa tangai fade.

Handak High Court of Manipur na state governmentta taothakhiba yathang asi meepum khudingmakna khanthaningai oiba wafhamni.Lakliba wafhamdi state government masana tung koina chatnagadaba asanba meetyengda yumfham oiraga meeyamgee yaifhanaba thabak-thousil paikhattuna afhaba leingak lingduna paokhum pibana chumgani haibasi haimanba thokloi.
 
State government na meeyamgee  protest toufham sillaga thamgadouribra natraga makhoigi asoiba chumthokchanabagee tanja lougadouribra?

No comments