Breaking News

Member 144 leiba ADC election gee vote khomba kham thengna kalle.



Chumthang News Service,
Imphal, 17th May, 2015:  Lakiba June gee tang 1 da Manipur gee chinggee district singee oiba member 144 leiba autonomous district council (ADC) election gee vote khomnaba ayouba thakta kalle,kham thengba haibadu youre hairi.


Meekhal asida Center da Government pairiba BJP, State asida government pairiba Congress party, North East Regional Political Party gee member oibata nattana Nagaland government pairiba Naga Peoples front ahumgee marakta hakthengnana meekhal thengnabagee mami chaona tari.

Meekhal matam asum asum naksillakpaga eroinana makhoi makhoigee meerep thadokliba party singna ngamjabi thaduna makhoigee mirepsingbu mai pakhananba voter singee pukning chingsinnabasu haotnari hairi.

Meerep puthokliba party singna makhoigee mirepsingee firal chingjhatpa,public meeting pangthokpa, yum yum changduna vote khombaga loinana amana amabu hunnaba,party singee luchingbasingna makhoigee mirepsingbu mai pakhannaba votersingee mafhamda vote pibinaba akanba mawongda vote khomli.

Centre da NDA Government luchingliba BJP na handakki Manipur gee ADC election da makhoigee account hangdokpa ngmnaba meekhal matam khara watlingei matamdagee thabak paikhtpa houkhrabani. Party asigee national gee thou pubasing mathang mathang state asida laktuna chingee district singda pangthokpa achouba meeyamgee meetingda waa ngangduna BJP na mai pakhannba hotnari.

Chingee district singee yamna maru oiba meekhal asida Indiagee khwaidagee liraba regional political party ama oiriba Manipur Peoples Party gee meerep amatta puthoktre hairi.Party asina karamba partyda sougatkani natraga sougatloi haibagee chap chaba firep meeyamda laothokpa leitri masiga loinana Communist Party of India (CPI) su handakki meekhal asida mirep thadoktri, Trinamool Congress meekhal asida mathi fongbagee mawong amatta uba fangdabaga loinana BJP Congress, NPF, JDU nattana atei political partysingsu handakki meekhal asida hakthengnana saruk yaba natraga sougatpagee.

Amaromda ADC gee meekhal asida United Naga Council na Congress party da vote pidanaba amadi makhoigee mathakta athingba thamkhibaga loinana Naga Peoples Front ta fongna sougatpagee wafham panba yai. Mamangee ADC electiondadi UNC na meekhal boycott toukhibaga loinana Manipur Government ki wangmada naga singee tonaganba leingak sason ama thamnaba haiduna akanba campaign touduna mamangda pangthokhiba meekhalda saru yakhidrabasu handakki meekhal asidadi makhoigee firepta ahongba lakhi hairi.

Handak pangthokliba ADC gee meekhal asida eng 2017 da pangthokadouriba Manipur gee General Election gee mami chaona tarakpasu yaribani.

Meekhal asida JDU su mirep 5 puthokpagee manungda 2 na withdraw toukhraba matungda lemhouriba 3 na party asigee account hangdoknaba hotnari hairi.


No comments