Breaking News

Police amadi Commandoda Meehatpagee License Pibagee Thouwong Condemn Touwi: Chanura Marup MPP

Chumthang News Service,
Imphal, 19th May, 2015: Law gee mateng pangnaba makhutta khulai matik chana paihanduna leibak meeyamgee lan thum loinana punsi ngaknaba ahing nungthil haiba leitana chahi amada tha 13 gee tolop piriba police amadi commando singna meecham-meeyamda onsinduna salak tamlaga makhoigee ejat soktanaba hotnabada mee hatpagee thouwong government asina meehatpagi license pibani haina Manipur Peoples Party gee Chanura Marup na fongdokrakli.

MPP Chanura Marupna ngasi thadorakpa cherol amada hai tha asigee tang 17 numitta sajiwa jail mamangda thokhiba thoudok aduda N.G. Mangi Higher Secondary School da  class 12 ki exam thakhibada ngairiba maheiroisingduna picnic chatluraga car tongduna mayumda hanjarakpagee lambida policena makhoibu gari khammu yade haiduna tanaraga nongmeina kaptuna hekta hatokpa aduga atoppasingbuna asok apan nanghankhiba, soktabasingduna police custody da fajinkhibagi thouwong adubu Manipur Peoples Party chanura marupna akanba mawongda yaningde hairi.

Manipur da police custody amadi jail manungda fadok kaya hatkhibagee thoudok kaya thokhre, uniformda leiriba active serviceta thabak touribasingna mayai karaba chinjakki manilna lambida chumna chatchaba meecham amada natraga kanagumba ama hektada maral pisillaga kaptuna hatpa haibasi law and order ngaknaba government gee karamba thourangno hainasu chanura marup asina hanglakli.

Makha tana fongdokrakpada police na gari khammu yade chingnei haidunasu nongmei kapsinduna hatpa haibasi malemgee leibak amattada chatnade. Numit adugee thoudokda chennariba police personal sing adugee mathakta akanba action loukhathanningbagi apamba thamlakpaga loinana ex-gratia khara piraga tokchakhini haibagee wakhallon thadokhanning-e haina MPP chanura marupna taksillakli.

Bobki chakthakkum nongma nongmagee mannadaba misida government asina echa kayabu set settuna hatoklaba faobada eigi saruk youdri haiduna tuminna leithokpa chumloi, eikhoi pumnamakki thoudangni khanduna mama eikhoi pumnamak pullasi meeyamgee lan-thum amadi punsi ngaktaba government asibu para tambirasi haina MPP chanura marupna aroiba thamlakli.

No comments