Breaking News

10th Manipur Legislative Assemblygi 11 Suba (nongju) Meefham Ngasidagi Houkhre.

Chumthang News Service,
Imphal/26thJune/2015: 10 suba Manipur Legislative Assemblygi 11 suba (nongju) meefham ngasi Imphalgi Chingmeirongda leiba Assembly Complexta hounabi matung enna Speakerna houdokhre.Ayukki pung 11 ga second khara chatlakpda Speaker Th. Lokeshwor( Khundrakpak Kendra M.L.A) na house manungda changlakhi loinana handakta leikhidraba Haobam Bhubon Singh, Ex-Minister, Singjamei kendradagi miyamgi mihut oina karamba hannagi Minister asi Obituary Reference Houseki luchingbasu oiriba Chief Minister Okram Ibobina Haobam Bhubon leikhidabagi wafham houseta pukhatlakhi.

Chief Minister Ibobina mahakki Obituary Reference adu move touraduna fongdokhibada Haobam Bhubon asi armyda thabak touramlaba mioi ama oibaga loinana integrity wangba, wakhal leiba, haidokhiba wa ngakna chatpa achumba pamba atangba luchingba mioi amani haina singthakhibaga loinana mahakna leikhidaba asina singjamei kendra amadi state asigi menkhatpa ngamlaroidaba achouba mangjaba amani haina fongdokhibaga loinana emung manungna nanghouriba awabadasu saruk yajari, mahakki thawaina eshworgi manakta engna chikna leirunabasu thounijari haina C.Mna mahakki warol aduda fongdokhi.

Awaba fongdokpagi resolution aduda sougatladuna Singjamei kendragi mihut oina kariba Minister I.Hemochandra, Oinam kendragi Dr. I. Ibolhanbi, Keishamthonggi Laishom Ibomcha, Androgi Th.Shyamkumarna makhoi makhoigi oiba awaba fongdokpa amadi Haobam Bhubon Singhgi maramda wafhamsing fongdooknakhi.Speaker Th. Lokeshworna mahakki warol thambaga loinana house membersingna amatta oina Haobam Bhubon Singh leikhidabagi awaba fongdokpagi resolution loukhi.
 
Ngsai houkhiba assembly session asigi businesski matung enna Financeki fhamssu puriba Chief Minister O. Ibobina 14 suba Business Advisory Committee, eng 2015 puthokhi.Madugi matung houseki leadersu oiriba Chief Ministerna eng 2015-2016ki Budget Estimates puthoktuna tongan tonganba wafham kaya thamkhi.
 
Chatliba chahi asigi February 25dagi houkhiba 10 suba Manipur Legislative Assemblygi 10 suba meefham houdokpa numitta Manipurgi Governor oiramba Krishna Kann Paulna mahakki warol thamkhiba adugi matangda Hill Areas Committee gi Chairman Dr. Chaltonlien Amona motion adu pukhattuna Governorna thamkhiba warol adugi matangda nouhounana amuk ningsingduna houseta pukhatlakhibaga loinana M.L.A Ng. Bijoy Singhna Governorgi address adu sougatladuna haikhibada Governorgi warol asi state governmentna paikhatliba amadi tungda paikhatlakadouriba tongan tonganba programme singi matangda marik chumna yaobaga loinana macha khaina khaina yamna ningthijana palli haina thagatpa fongdokhi.

(chumthokchaba: ngarang chumthang mediana fongjakhiba 10 suba manipur legislative assemblygi 11 suba mifham haiba paoduda Manipurgi Governor Syed Ahmedna mahakki warolga loinana meefham houdokani haina yaokhibadu soikhibani, maram aduna soikhiba adugidamak waroubidanaba nollukchari- Editor, Chumthang Media)
                                           

No comments