Breaking News

Nungshinaba Nupa Yaoba Gang Khutpuna Ejat Manghallaga Hatokpikhrabi Ningthoujam Rebika gee Wahoudagee Heirok-Wangjing Anigee Marakta Khul Hupna Erang Hourakle.

Chumthang News Service,
Thoubal Correspondent/8 June/2015: Thoubal districtki manung channa leiba heirok part ii tomal makhongdagee masagee chahi 25 romda ngairiba Ningthoujam Rebika apokpa leikhidraba Ingocha koubi leishabi macha amabu mahakka nungsinabani haiba nupa yaoba gang khutpu amana nupi oibigee ekai khumnaba manghallaba matungda tamthina hatoklaga thanambadagee madugee wahoudagee Heirok amadi Wangjing anigee khunjasingee marakta ungkhatnaba asum asum hengatlakli.

Gang rape aduda chenabani haiba mioi singee manungda ama oiriba Wangjingdagee Bishe kouba mioi amagee yum heirokki meeyam houraktuna mei thadokhiba adubu yaningdaba fongdokpaga loinana thoudoktuda Bishe chennade, maral leitaba mioini haiduna wangjingee meeyam houraktuna heirokki mioisingna lambi chathok chatsin toubada athingba pikhi.

Feebam adudagee heirok amadi wangjing anigee meeyam nampak nampak tanaduna ungkhatnaba hengatlakhibaga loinana nakal anigee marakta chinda paodanaba, khut thoknabagee feebam yourakhi hairi.
Meeyamgee erang adu yengsinnaba heirok assembly constituency dagee MLA oina kariba Education Minister Moirangthem Oken amadi wangjing tenthagee MLA P.Brojen erang houriba mafham aduda changsinnaba hotnabada meeyamg changduna Minister amadi MLA bu changba yaroi haiduna athingba pikhi. Adumakpu minister na changsinnaba fanna kanna hotnarabasu meeyamgee ehou aduna maram oiraga Minister mafham adu changba ngamkhide. Meeyamna Minister gee gaari thugaikhi,adumakpu Minister Okendi commandogee garida asoi angam yaodana nanthokhoukhi hairi.

Erang hourakapa adubu laksinnaba police na tear gas nachingba kaptuna meeyam tankhainaba hotnakhi loinana meeyamnasu police tamna nungnachingba langsinbada police personal kharasu asok apan nangkhi hairi.

No comments