Breaking News

Turelgi Esing Emai Ekhang Khanghoudana Khanghen Hengatlakle.

Chumthang News Service,
Imphal/24 June/2015:
Manipurgi tampaklamda nong churabasu pangkan kannadi chukhidabaga loinana houkhiba nong ninisida state asigi chingi manung hanjinba, turel khongnungsida akanba mawongda chukhiba nongjuna maram oiraga tampak lamda chelliba Nambul turel, Imphal Turel nachingba turelsingi esing emai khanghen hengatlakle.
Houjik houjik turelsing khudong thiba thakta chendrabasu lakliba pung kharasida nong leptana churagadi turelsingi torban kaiduna paktaknana esing echao thoklakloi hainingai leite.maram aduna Irrigation and Flood Control Departmentna mitkup nahum singna leiba tangai fade.

 

Photo: Chumthang Media
Manipurda nong khajik tabaga esing echao hekta thokpa,nong tadragana ekang thokpagi fibam state asigi miyamna mayoknaduna laklibani.Chumthang Mediana ngasi turelsingi fibam hakthengnana chattuna yengsillubada turelsingi esing emai wangna chelhouba thengnarakhi. 

 

Turel torbanda manak nakna leiba mioising maru oina nupisingna eel chingduna ngaa fabagi thabak chathahouba thengnarakhi.Adubu esing emai hengatle, esing marang kairingei nga fahounaba hotnabada akanba esinggi ereina chenthakhiduna khudong thiba thokpasu yai, maram aduna ngaa faribasingna ningkhaiganba turel leiraida leptuna nga fanaba hotnabada cheksinbagi tangai fadabasu lei.

No comments