Breaking News

Turelsingi Emai Khudong Thiba Thakta Chenbagi Fibam Youre, Pung Kharasida Leptana Nong Churabadi Esing Echao Thokladra Mipainare

Chumthang News Service,
Imphal/28thJune/2015: Houkhiba numit kharanisida Manipurda paktaknana leptana nong chubadagi tampakta chelliba turelsingi emai hengatlaktuna warning level maya nakna esingi emai chenbana maram oiduna state asigi tampaklamda paktaknana esing echao thoklakpa yabagi akiba leire hairi.
Lou-wu singubana mapung oiba sinfham state asigi miyam, maru oina loumisingna matam kuina ngaijarakpa kumgi nong yourakle haiduna haraoringei cheirak asida chingi lamda nong leptana chuba amadi tampaklamdasu mayai oirapna nong chubana maram oiraga turelsingi emai tapna tapna hengatlakhibani.Houkhiba numit kharanisida lamdam asida chukhiba nongju aduna maram oiraga imphal citygi maru oiba lambising,lambi sorok, leirak khullak, akutpa mafhamsingdadi hanana esing thumjinduna miyamda khudong chadaba mayoknaba houkhrabani.

Eram nala ningthina sengdokpidaba drain mapalda nakna leiba yumsingdadi turel esing chaorasu chaodrasu nongbu churadi hekta esing thumbagi awaba mafham kaya maru oina imphal city mayollamda leiba mioisingna houjik houjik mayoknaribani.Ngasi nongal lakpadadi imphal city faoduna chelliba Nambul turel, Naga turel, Imphal turel hairiba turelsingi emai angakpa fangna hengatlamba thengnarakhi. CNSna houjik oirakliba fibam asigi matangda koina chattuna yengsillubada turelgi esing emai pana chendrabasu turban nakna, warning level mapa yougadaba khara khakta ngairamba thengnarakhi. Sagolband amadi Uripok kendra anigi marakta chelliba Nambul turelgi esing emai yamna hengatlakle, turel asida mapop chaoba napi singnangsingna pik thanduna esing chenbada apanba thokhalle.
 
Masiga chap manaba mawongda Naga turelgi esing emaisu hengatlakle. Numbul turel amadi Naga turelgi etinnafam oiriba Khwairamband Keithelgi Thong Nambombi makhagi sarukta fatta houdi, napi singnangsingna fungattuna hairiba thong asigi makhagi ahoba sarukta fungattuna leiribasing adu sengdokpagi thabak mioi 10 romna chatharamba thengnakhi.

Turelsingi esing emai hengatlakpada kumeigumna waheng Leikai mapagi thong nakalda pareng leptuna miyamna yengnakhi hairi.Manipurgi tampaklamda nong churabasu pangkan kannadi chukhidabaga loinana houkhiba nong ninisida state asigi chingi manung hanjinba, turel khongnungsida akanba mawongda chukhiba nongjuna maram oiraga tampak lamda chelliba Nambul ture, Imphal Turel nachingba turelsingi esing emai khanghen hengatlakle.

Houjik houjik turelsing khudong thiba thakta chendrabasu lakliba pung kharasida nong leptana churagadi turelsingi torban kaiduna paktaknana esing echao thoklakloi hainingai leite.maram aduna Irrigation and Flood Control Departmentna mitkup nahum singna leiba tangai fade.

Manipurda nong khajik tabaga esing echao hekta thokpa,nong tadragana ekang thokpagi fibam state asigi miyamna mayoknaduna laklibani.Chumthang Mediana ngasi turelsingi fibam hakthengnana chattuna yengsillubada turelsingi esing emai wangna chelhouba thengnarakhi.

Turel torbanda manak nakna leiba mioising maru oina nupisingna eel chingduna ngaa fabagi thabak chahouba thengnarakhi.Adubu esing emai hengatle, esing marang kairingei nga fahounaba hotnabada akanba esinggi ereina chenthakhiduna khudong thiba thokpasu yai, maram aduan ngaa faribasingna ningkhaiganba turel leiraida leptuna nga fanaba hotnabada cheksinbagi tangai fadabasu lei.

No comments