Breaking News

Curfewgi Athingba Marakta Nupisingna ILP Chatnahannaba Amadi Policeki Actiongi Mayokta Wakat Mifam Chathakhre.

Chumthang News Service,
Imphal/11thJuly/2015: Manipurda Inner line permit system chatnahanduna lamdam asigi mami samlaklaba yelhoumising kananaba taksilladuna ngasisu mafham kayada nupisingna curfewgi athingba marakta tongna tonganba mafamsingda wakat mifam chathakhre.
Loinana Joint Committee on Inner Line Permit Systemna Manipur miyamga loinana lamdam asida meetop meeyanchasingna nongma nongmagi esing echaogum thomjillaktuna mafham asigi asengba yelhoumising asigi saktam mangkhidanaba matam kayagi mamangdagi tongan tonganba mawongda changsillakhiba khongjangi saruk ama oina Manipur Legislative Assemblyda pass toukhiba Manipur  Regulation of Visitors and Tenants Migrant Workers Bill 2015 chatnaba yaroi, madugi mahutta yelhoumi kanaba bill pass tou haiduna JCILPSgi student wingna handakta loisinkhiba 10 suba Manipur Legislative Assemblygi 11 suba nongju mifam chatharingei manungda maheiroisingna ILP chatnahanba changsinkhiba khongjang manungda policena tear gas, rubber bulletnachingba kapada Ananda Singh Higher Secondary Schoolgi maheiroi Sapam Robinhood kouba Khurai LairikYengbam Leikaidagi class 11 khakta tamliba maheiroi ama sikhiba adugi wahoudagi ILPgi ehou khongjang henna kansillakpadagi District Magistratena Imphal west amadi east animakta matam kaktana thamkhiba curfew ngasigi oina ayuk pung 5dagi 10 faoba pung 5gi oina komthokhi.


Curfew komthokpagi matam loikhrabasu mafham kayada nupisingna thoraktuna Inner Line Permit chatnahanaba amasung miyamna khongjang changsinbada policena chathakhiba ka henba thouwong adugi mayokta ngasisu wakat mifam famduna khongjang changsinkhre hairi.

Ngasi wakat mifam famduna khongjang chathakhiba mafham kharada CNSna koina chattuna report loukhi. Hairiba mafhamsing adudi imphal east districtki manung channa leiba Heingang Kendragi Ahallup Bazar Boardta lamdam adugi nupisingna wakat mifam chathakhi hairi.

Loinana Kendra asimakki national hihwaygi khabam lamkhaida maikei adomgi yamlaba nupisingna thoknaraktuna wakat mifham chathakhi. Wakat mifam chathabaduda manipurda ILP chatnahallu, governmentki thouwong yaningde haibanachingba play cardsing sijinnakhi.

No comments