Breaking News

Curfewgi Matam Sangna Komthokhrabasu Makhal Khudingmakki Sillam Sintha Leptuna Yelhoumi Kanaba Khongjang Pak Sanna Changsinkhre.

Chumthang News Service,
Imphal/20thJuly/2015: Chatliba chahi asisi March 13 10th Manipur Legislative Assembly 10 suba mifam chatharingeida houseki leadersu oiriba Chief Minister Okram Ibobi Singhna introduced touraga thaa adumakki tang 16da houseki member 5 yaodana pass toukhiba The Manipur Regulations
of Visistors, Tenant  and Migrant Workers Bill 2015 adu lamdam asigi musillaklaba masing yamjadaba asengba yelhoumisingi saktam kanba ngamloi, mapung faba bill oide, mitop yokhatpa billni haiduna Manipurda Inner Line Permit System chatnahanduna mapaldagi esing echaogum thomjillakliba mitop miyanchasing State asigi oiba act amagi makhada changhanba,leihanba amadi mitopna lamgi mapu oihanba yaroi haibanachingba maru oiba wafam kaya taksinduna Joint Committee on Inner Line Permit System, Manipurna leibak miyamga khutsamraga tongan tonganba mafamda mawong kayada ehou khongjang changsinkhi.

Madugi saruk ama oina handakta loisinkhiba 10th Manipur Legislative Assemblygi 11 suba (nongju) mifam loigadaba numit nini watlingei july 8 da JCILPSki student winggi maheiroisingna mahei tamba leptuna khongjang changsinbada Imphal East Districtki manung channa leiba Nongmeibungi Ananda Singh Higher Secondary Academygi maheiroi Khurai Lairikyengbam Leikaidagi Sapam Robinhood kouba maheiroi Manipur Policeki actionna maram oiraga punshi mangkhiba adudagi I.L.Pgi khongjang angakpa mawongda honglaktuna state asida tangdu leitadaba, charangnaba loinana yelhoumi kanabagi khongjangda hounaruba naidana miyamgi akanba ehou lakpadagi Manipur Legislative Assemblygi akhanaba mifam ama tha asigi 15da pangthoktuna MRVT & MW Bill 2015 adu chatnahallaroi, handokle haiduna warep loukhibaga loinana miyamna pamlibasing hapchinduna anouba bill ama pass tounaba thaa 3gi matam loukhiba warep adu matam sangmalli haiduna JCILPSna changsinba khongjang numit nini lepluraba matungdagi amuk ngasidagi khongjang makha chathaba houkhre hairi.
 
JCILPSgi maikeidagi ngarang laothokhibagi matung enna miyam hupna makhoi makhoigi sinthasing leppiduna khongjang asibu sougatpinaba appeal toukhibaga loinana, pak sanna Leikai Leikaida I.L.P chatnahannaba amadi yelhoumi kanaba governmentna pukchel sengna bill semnaba taksinduna wakat mifam chathanaba, human chain semnaba loinana numidanggi matamda meiragi rally chatpinaba Manipur miyamda JCILPSgi maikeidagi haijakhiba adugi matung enna ngasi Khwairamband Keithel yaona atei mafamsingda leiba keithel,duakn thong hangnakhidre. Lambida mi chatpagi chang yamna hanthakhi. Adumakpu governmentki department, officesingda thabak kanakhiba yaokhi hairi.

JCILPSki makha taba khongjangi saruk ama oina ngasi tongan tonganba mafamsingda Leikai Leikaigi nupisingna thoraktuna Manipurda Inner Line Permit System chatnahallu, lamdam asigi mutsillaklaba yelhoumising ngak senbiyu, Robinhood hatpada chenaba police personal maral matung enna cheirap piyu, yelhoumi kanjanaba changsinba khongjangda Manipur Policena yamna minungsi leitana fu cheiba, atamnana tear gas, rubber bullet kapsinba, sathina asok apan nanghankhiba thouwong akanba mawongda yaningdaba fongdoknakhi hairi.

No comments