Breaking News

DESAMgi Mass Rallyda Maheiroi Cha Kayana Saruk Yaduna Mahei-Masing Tambada Ayetpa Pidanaba Taksinkhre.

Chumthang News Service,
Imphal/4thJuly/2015: Democratic Student Alliance of Manipur (DESAM)na lamdamsida leiriba mahei tamfhamsang amadi maheiroisingna lairik tambada makhal amattagi ayet apan, aki akhang pibiganu haiba khollaoga loinana state asigi tongan tonganba mafhamsingda leptana maheiroisingi khongjang changsinduna lakpagi saruk ama oina ngasi ayuk pung 11 taba matamdagi imphal west district manung chanba thangmeiband athletic ground (THAU) dagi lamthakhiba mass rallyna imphalgi maru oiba lambising faoraga maheiroisingi rally engna chikna chatkhre.
Maheiroisinggi lup DESAMna sinduna pangthokliba ngasigi rally aduda lamdam asigi arappa amadi anakpada leiba private amadi government schoolgi maheiroisingna saraba kalen thagi marakta awa ana thidana saruk yakhiba maheiroising aduna lairik tambada kanagumba amattana ayet apan pibiganu, lairik tambada yeikhai thingaiba toubiganu, maheiroisingbu puthok puthoklaga miyamgi ehou khongjangda saruk yahanba asina mahei tambada akaiba pi, toina touba bandh blockadena lairik tambada akaiba pi, mahei tamfamsangda kanagumba lup amattana senkhai toubiganu, bomb langsinba, nongmei kapsinbanachingba toubiganu, maheiroisingna ningthina  lairik tambada pumnamakna mateng pangbiyu, maheiroisingda awaba pibiganu haibanachingba wafham kaya saruk yariba maheiroisingna CNSta fongdokrakhi.

Masing yamlaba maheiroising adugi mathakta schoolsingi ojasing amadi DESAMgi thoumisingsu saruk yakhi hairi. THAU grounddagi lamtharakhiba rally adu khoyathonglomda laklaga North AOC, Minuthong Hatta Chekon, Konung Mamang faoraga chatkhi.

Masing yamlaba maheiroising aduna makhutta tongan tongnaba slogan kaya eba play card, festone sing pairaga chatkhi. Rally aduna maram oiraga imphal city manungda traffic jam thokhi, rally adubu asoi angam thoktanaba, amadi pamdaba thoudoksing thoklaktanaba policeki maikeidagi cheksin thourang loukhatpa ukhi hairi.
                                                                                           

No comments