Breaking News

G.S gi Nini Chanba Numittadi Khongjang Sougatpasingna Lemna Amatta Thakhidre. Miyamgi Mahousagi Punshida Hakthengnana Cheitheng Pikhre





CNS:Elangbam Leikaida Chathakhiba Wakat Mifam
CNS:Keishamthongda Chathakhiba Wakat Mifam
Chumthang News Service,
IMPHAL/2015: Manipur da yelhoumi kanaba Inner Line Permit System chatnahallu haiduna Manipur government ta taksilladuna Joint Committee on Inner Line Permit System (JCILPS) na changsinkhiba khongjangi manung channa khongjang asibu sougatladuna state asigi tampaklamda leiriba maheiroisingna khongjang changsinbada Manipur Police na ehou laksinaba tear gas, rubber bullet nachingba kappada panbadagi asokpana maram oiraga sikhiba maheiroi Sapam Robinhood misigi matangda semkhiba Joint Action Committee against the brutal killing of Sapam Robinhood na Robinhood hatpada chenariba police personal sing thabaktagi louthok-u, maral leiraba personal adugi mathakta akanba cheirap pigadabani haiba demand talladuna JAC asina ngarang ayuk pung 5 dagi ngasi numidang pung 7 faoba Manipur pumbada apunba pung 38 gi general strike chathakhibagi ngasi nini chanba numitta general strike asina maram oiraga Manipur miyamgi mahousagi punshida chaona cheitheng pikhre.

General asi ngarangdagi ngasina henna kankhibaga loinana Khwairamband keithel, Paona keithel, Thangal keithel amadi atei makhal khudingmakki lallon etik toubagi thabaksing pumlep lepkhre. Dukan thong hangnakhide, tangai fadaba khara nattana lambida mi chatpagi chang yamna nemkhibana pumchik chickhi. 

Inter district ki passenger puba garising chenakhide, Manipur manungdagi amadi Manipur wangmadagi changlakadaba makhal amattagi gaarising chenkhide.Government ki department amadi atei office singda thabak karakpagi chang yamna nemkhi hairi. Imphal- Jiribam lambi, Imphal Dimapur lambi, Imphal Moreh lambida makhal amattagi gari general strike asina maram oiraga chennakhide.
 
General Strike asina maram oiraga Khwairamband, Paona amadi Thangal Keithel loina Imphal City gi akoibada leiba lallon etik touba makhal khudingmakki dukan thong lonkhi. Khwairamband Keithelda potfam fambi ema ebel karakpagi chang yamna nemkhi. Street vendor khara famba nattana punna yengbada khwairamband keithel mi etak takhi.

CNS: Singjameida Miyamga Policeka Muknaba
Lambida mi chatpagi chang yamna hanthakhi. General Strike asina maram oiraga makhal amattagi passenger puthok pusin touba garising, district amaga district amagi marakta chenba garising loinana Manipur wangmada chenba garisingsu chenakhide.Manipur da Inner Line Permit System chatnahallu, Robinhood hatpada chenariba mral leiraba police personal Manipur Government na khudakta cheirap pigadabani haiduna ngasisu state asigi tongan tonganba mafhamsingda paktaknana wakat meefham chathaba, lambi thingba, lambida uu-waa feijinba, tyre mei thaba, rally chatpa, human chain semba yaona tongan tonganba makhalgi khongjang changsinkhre hairi.
 
Chumthang News Service na general strike asigi matangda koina chattuna report lourubagi matung ennadi ngasi changsinkhiba khongjang sing adu Leikai leikaida nupisingna wakat meefham chathakhi, lambi thingduna achat awong toubasing pumthing thingkhi. General strike asibu sougatpaga loinana Manipur da Inner Line Permit System chatnahanduna thinthadana lamdam asigi mami samlaklaba yelhoumising kallu haiduna mafham kayada wakat meefham chathakhi.

Imphal city amadi akoiba mafhamsing, atei tampakki district singi manung chanba mafham kayada general asibu sougatladuna makhal kayagi khongjang changsinkhi hairi. Khongjang changsinkhiba singi manungda Imphal west district ki manung chanba Keishamthong Elangbam Leikai Apunba Nupi Meira Paibi Lup amadi Young Progressive and Athletic Club (YPAC) anina khutsamnaraga wakat meefham fhambaga loinana lambi thingbagi khongjang changsinduna general strike asibu mapung fana sougatklhi. C.N.S ta Apunba Meira Paibi Nupi Lup, Keishamthong Elangbam Leikai gi machin chatpi ema amana fongdokhibada Manipur government yelhoumi kanaba bill sembada pukchel sengna hotnadriba asi yamna laibak thiba mitop miyanchasinggi erolnungda lupkadouraba fhurup asibu manglasanu haiduna chathaba thouwong yaningde. Miyamna houriba ehou asibu mangak kanduna houjik faoba thabak ningthi nungaina toudana bill sembada asuk yamna waa yamhalliba karigino hainasu hangkhi.
CNS:Pishum Chingada Lambi Thingkhiba

Miyamna changsilliba khongjangda makha tana sougatkhini loinana henna kanba khongjang changsinnaba thourang touduna leire hainasu fongdokhi.Keishamthong- thong mathakdasu Yaiskul Heeruhanba Chingakham Leikai, Kabui Khul Nupi Lup, Yaiskul Police Lane amadi lamdam adomgi nupisingna khutsamnaraga Manipur da ILP chatnahallu, Robinhood hatpada chenariba police personal chirap pigadabani haiduna wakat mifam chathibaga loinana miyamna semba government asina miyamgi aningba khangna thabak toudriba asi miyamgi mawokta leiba, miyamda pikhiba thajaba manghanba government  ni hainasu yaningdaba fongdoknakhi.

No comments