Breaking News

I.L.Pgi Anouba Bill Sembagi Matangda B.J.P Manipur Pradeshna Makhoigi Oiba Point 3 Yaoba Recommendation Leingakki Drafting Committeeda Khutsinnaragani.

Chumthang News Service,
Imphal/25thJuly/2015: Manipurda Inner Line Permit System chatnahanabagi matangda Manipur Governmentna anouba bill ama semnaba hotnaringei cheirak asida B.J.P Manipur Pradeshna makhoigi oiba point 3 yaoba recommendation hayeng state governmentki drafting committeeda khutsinaragani hairi.

Heeram asigi matangda CNSna fangba paogi likhul amagi matung enna hai B.J.P Manipur Pradeshki luchingbasing: M.P electionda party asigi candidate oikhiba R.K.Ranjanna Chairman oiba B.J.Pgi oiba drafting committee ama semkhiba adugi akhanaba meeting ama ngarang pangthoktuna Manipur Governmentki drafting committeeda khutsinaba thourang touba loire hairi.

B.J.Pgi oiba drafting committee asida yaoriba atei mioising adudi Sharatchandra, Tiken, R.K.Shivachandra, Ashinikumar hairiba mioi 5 asina semba B.J.Pgi drafting committee asina State Governmentki drafting committeeda makhoigi oiba recommendation adu pisingadabani hairi.State governmentki committee asida Law Minister Th.Devendrana luchingba mioi 5 saba committee ama semduna Manipurda Inner Line Permit System chatnahanbagi matangda thabak loukhatpa hourakhibani.
 
Manipurda mapal lamdagi thomjillakliba mitop miyanchasing asina maram oiraga lamdam asigi yelhoumisingi saktam mutkhidoure, Manipurda Inner Line Permit System chatnahanduna mapaldagi changlakpa mioising permit pairaga changhallu, mitopna lamgi mapu oiba yahanganu, haibanachingba tongan tonganba demand kaya talladuna Joint Committee on Inner Line Permit System, Manipurna miyamga loinana khongjang changsillakhibani.

10 suba Manipur Legislative Assemblygi 10 suba mifamgi march 13da Chief Minister Okram Ibobina The Manipur Regulations of Visitors, Tenants and Migrant Workers Bill 2015 houseta puthoklaba matungda tha adumakki tang 16ta houseki member 5 yaodana pass toukhiba bill adu chatnaba yaori, yelhoumi yokhatpa billni, hairiba bill adu withdraw touduna yelhoumi ngak sengadaba chap chaba bill semduna chatnahanaba taksilladuna JCILPSna luchingduna ehou khongjang changsin hengatlaktuna chatliba july 8 10 suba Manipur Legislative Assemblygi 11 suba (nongju) mifham loigadaba numit nini watlingeida JCILPSna changsinba khongjang manungda Ananda Singh Higher Secondary Academygi maheiroi Imphal East Districtki Khurai Lairik Yengbam Leikaidagi Sapam Robinhood kouba maheiroi ama Manipur Policeki ka henba actiondagi haiba thoudok amada leikhidabani.

Maheiroi ama leikhidraba matungda lamdam asigi mafham sinba thungbada hounaruba naidana miyamna mihat adubu yaningdaba fongdoktuna amadi I.L.P System chatnahalllu, anouba bill semduna yelhoumising kallu haiba demandsing talladuna leptana khongjang changsinduna lakhibani hairi.Manipur Governmentki Cabinet Decision amagi matung enna July 15da Assemblygi akhanaba nongmagi oiba mifham ama pangthoktuna hairiba MRVT&MW Bill 2015 Manipurgi Governorgi ayaba lounaba pisinkhiba adu handokle, miyamna pamliba Bill adu thenglabada thaa 3 gi manungda draft touba loisinnaba hotnajage haiduna Chief Ministerna laothokhibani.
 
C.M.gi wafham adubu yaningdaba fongdoktuna khongjang changsilliba JCILPS amadi maikei kayadagi governmentna thariba matam sangmalli, numit 15gi manungda draft semba loigadabani, Robinhood hatpada chenaba police personal thabaktagi louthoktuna cheirap pigadabani, khongjang changsinbada Manipur Policena miyamda chathakhiba ka henba, minungsi chendaba thouwongsing pendaba fongdokpaga loinana yelhoumi kangadaba mapung faba bill semdrifaoba khongjang halloi haiduna state asigi tongan tonganba mafamsingda tongan tonganba lupsing, meira paibising, sinfham kayada leiriba mioisingi lupsingna paktaknana makhal makha kayagi khongjang leptana changsinkhibani.

General Strike kouba, sintha leppa, transporter associationsingna staring paidaba amadi non-manipuri singi mathakta public curfew thamba amadi lambi thingbagi khongjang changsillakhibani.Loinana Imphal West amadi Eastki District Magistrate anina hairiba district anisida curfew thamkhiba numit ninigi matung tangkak naina curfewgi matam sangdoklakhibani. Education S, Department of Educationna school thong thingkhiba adu numit 15 hellafaoba hangdoktana houjiksu maheiroising lairik tamba fangdana leiribani

No comments