Breaking News

Manipur Amadi Atei State 3da U.N.L.F.W.S.E.A.na Achouba Landa Chatharakpa Yai: Report

Chumthang News Service,
Imphal/23rdJuly/2015:
Indiagi North Eastern Sideta leiba tongan tonganba state singda khutlingduna leiriba lalhoulupsingi apunba lup ama oiriba United National Liberation of Front of West South East Asia (UNLFWSEA)  gi luchingba oibada nattana National Social Council of Nagaland-Khaplang groupki Chairman oinasu thou puriba SS.Khaplanggi lamjing makhada north eastern statesing Assam, Arunachal Pradesh, Manipur amadi Nagaland hairiba statesing asida major terror strike chatharakpa yai hairi.
Hairiba attack asigi matangda Assam Riflesna e-pao mangjounana fangle hainasu thajaba yaba paogi likhul amagi matung enna haibaga loina chatharakadouriba attacksing asi yamna sathiba oiba yai haina panabaga loinana SS.Khaplangi makhada chathanaba thourang touriba asi United Liberation Front of Assam (ULFA) Independentgi Commander in Chief Paresh Baruagi supportka loina hairiba landa asi chathanaba thourang toubani hairi. Assam Rifleski PROna hiram asigi matangda press note ama thokle haibagi matung enna pao asina makha tana hai hairiba UNLFWSEAna Nagaland, Manipur Assam, Arunachal Pradeshda tongan tonganba landa chathanaba thourang touri hainasu paogi likhul asina makha tari.

Ningsingba yai June 4da Manipur amadi Myanmar lonaba Chandel Districtki Paraolong khulda NSCN-K, KYKL amadi KCPgi apunba khutpuna chathakhiba ambushta Dogra Regimentki personal 18 hatkhiba amadi atei kaya amana sathina asok apan nanghankhibagi thoudok leikhrabani. Akanba landani hainariba landa adugi tungda Indian Armyna Myanmar borderda leiba North Eastern Indiada based touba lalhoulupsingi camp thugaiba amadi lalhoulupsingi cadresing hatpa ngamle haina claim tounakhiba leikhibaga loinana Indian Armyna Manipur amadi atei yumthangnaba state singda akanba mityeng changlakhibani hairi.
                                                                             

No comments