Breaking News

Pung Khara Curfew Komthoklingei Khwairamband Amadi Akoiba Mafhamsing Mina Chikna Chainaba Ngamdakhei Tinkhre.

Chumthang News Service,
Imphal/11thJuly /2015: Manipurda Inner line permit system chatnahanduna lamdam asigi yelhoumising kallu, ngak senbiyu, Manipurda atat akham leitana, esing echaogum thomjillakliba meetop meeyanchasing act amagi makhada changhanbinaba, leihannaba taksilladuna Joint  Committee on Inner Line Permit System (JCILPS)na matam kayagi mamangdagi Manipur miyamga khutsamnaraga tongan tonganba ehou khongjang changsinduna lakpagi manung channa JCILPSgi student wingna tongan tonganba school, collegesingi maheiroising lairik tamba leplaga lambida thoraktuna khongjang changsinbada Manipur Policena maheiroising adugi ehou namthanaba tear gas, rubber bullet masing khangdana kappada Khurai Lairikyengbam Leikaidagi Ananda Higher Secondary Schoolda class 11tamliba maheiroi Sapam Robinhood kouba asi policeki action aduna maram oiraga sikhibani.
Maheiroi ama sikhibadagi Manipurda ILPgi ehou henna kansinbaga loinana maheiroi hatkhibagi wahoudagi imphal city manung amadi akoibada leiba schoolsingi maheiroisingna policeki action adugi mayokta pendabagi khollao laobaga loinana khongjang changsinlakhibani. Maheiroising adugi khongjang adubu state asigi maikei kayada leiba miyam hounaruba toudana sougatpa fongdokpaga loinana makhal makha kayagi khongjang changsinba hourakhi.

Khongjang adubu namthanaba amadi miyamgi punshi amadi lanthum ngak senaba Imphal east amadi westta district magistratena july 8gi numidang wairam pung 4dagi district anisida matam kaktana thamlakhi curfew adu ngasi ayuk pung 5 dagi 10 faoba apung 5gi oina curfew komthokhi.

Mitkup khara curfew hek komthokpaga numit nini chupna yum yumdagi mapal thoktana leiruba miyam Khwairamband Keithelda pot leiba thoknarakhi. Masina maram oiraga Imphal amadi akoiba mafhamsingi lambising masing yamlaba gaarina maram oiraga traffic jam thokhi. Khwairamband Keithelda mana masing lakpa miyamna maram oiraga keithelgi akoiba mafhamsing mina china chainaba ngamdabakhei tinkhi hairi. 

Nongmada changdraba yadraba potlamsing, ensang napising leiba lakhiba miyamna Khwairamband Keithel, konung mamang, kwakeithel, snakeithel, singjamei, lamlong keithelnachingbada miyamna hupchinnaraktuna pot-chei leinakhi. Keithelda yonba potlamsing mamal ka henna wangkhi.Curfew komthokpagi matam hek loibaga policena miayam mayum mayumda hankhinaba amadi dukansing thong lonnaba khanghankhi. Curfew komthoklingei manungda pamdaba thoudok thokhibagi pao mafham amattadagi fangde.  

No comments