Breaking News

Wangkhei Apunbagi Nupi 2,000 Lomna Saruk Yaduna Yelhoumising Kanaba Wakat Khongchat Chatkhre.

Chumthang News Service,
Imphal/20thJuly/2015: Joint Committee on Inner Line Permit System, Manipurna makhoigi makha taba khongjang changsillagani haina laothokhibagi matung enna ngasi Manipur tampakki district 4 da paktaknana lamdamsida I.L.P System chatnahallu, state asida thomjillakliba mitop miyanchasingi erolnungda lupkhidouraba, mami samlaklaba yelhoumising ngak senaba akanba bill pass tounaba taksilladuna tongan tonganba mafamsingda miyamna makhoi makhoigi sillam sintha leptuna mawong kayada khongjang changsinkhre.
Greater Imphal amadi akoiba mafhamsingda leiba makhal khudingmakki dukan thong hangkhidre, Khwairamband Keithel amadi atei tampakki districtsingi keithel amadi lamdam lamdamgi keithelsingsu sintha leplaga nupisingna wakat mifam famba amadi khongchat chathakhre hairi.

Wangkheida Masing Yamlaba Nupisingna Rally Chatkhiba (Photo:CNS)
JCILPSgi khongjangi saruk ama oina tongan tonganba mafamsingda human chain semba, rally chatpa, wakat mifam famba, lambi thingbagi khongjang miyamna changsinduna state asida I.L.P System chatnahanduna yelhoumisingi saktam kanaba taksinkhi hairi.

Khonjang asibu sougatladuna ngasi Imphal East Districtki manung channa leiba Wangkhei apunbagi oina nupi 2,000 romna saruk yaduna maniprda I.L.P System chatnahannaba amadi khongjang changsillingei manungda leikhidabani haiba Sapam Robinhoodki misida chenaba police personal maralgi matung enna cheirap pinaba yamlaba nupisingna taksinkhi. Wangkheigi Rally adu chaorakna yengbada mioi 2,000 rom oiramba yai hairi. Manipur Policena rally adu ngak senduna lakhi.Wangkheigi tongan tonganba lambising faoduna rally adu chatkhibani hairi.

Wangkhei Rally (Photo:C.N.S)
Ngasi rally aduda tongan tonganba wangkhei maikei amadi akoiba mafamsingi meira paibi, nupi lupsing amadi atei organisation kayagi luchingbising amadi thoumisingna naha ahal khaktana saruk yakhi.
Rally aduda saruk yakhibasingna tongan tonganba play card amadi banner sijinnaduna chatliba rally adugi pandam mayek sengna miyamda khanghankhi.

Rally chatliba adugi matangda saruk yakhiba nupi amana CNSta asumna fongdokhibada Manipur miyamna Inner Line Permit System chatnahanaba changsilliba khongjang houriba ehou asi tungi mirolgidamak asanba mityengda houjik leiriba mirol asigi toufam thokpa thabak adu pangthokchabani.

Masigumba leibak asigi yamna maru oikhraba khongjang asibu state governmentna karimatta thousadana leibadouna touriba asi pende. ILP chatnahanba houriba ehou asi MLA, Ministersing, police personalsingisu saruk yaoribani haibasi khanthahaning-e.

Ananda Singh Higher Secondary Academygi maheiroi Sapam Robinhood misida chenaba police personal adu houjikfaoba governmentna kankhattuna thamliba asi laibak thibani, chenariba personal adu cheirap pigadabani hainasu fongdokhi. Manipurda ILP chatnahandrifaoba chokthaba naidana khongjang changsinkhini loinana manipur policena handak chathakhiba thouwong adubusu yaningdababa fongdokhi. 

No comments