Breaking News

Leingakna Kanglup-ki Irang thoknaba sille: Maoist

Chumthang News Service
IMPHAL:Manipur meeyamna Houkhiba chahi kayada Yelhoumi kannabagi ihou changsillakpa khudingda Leingakna Mirakta Bomb pokhaihanduna yelhoumi kannabagi ihoubu natheinaba sinkhi. Thengkhang amuk aniraktadi mirakta Bomb pokhaihallibasi meeyamgi pukningda chingnaba leiramlabasu thoudou asi Manipur meeyamna changsilliba Yelhoumi kannabagi khongjangbu lanna wahanthok pinaba hotnabani haibasi khangnarakhi.

Houjik Manipur meeyamna amatta oina changsillakpa meeyamgi ihouda khaangba ngamdraba Leingak-na Meeyamgi Yelhoumi kannabagi Ihou asibu Kanglup-ki irang thok-handuna arembada manghannaba hotnari. Mirakta Bomb pokhaihallambadu Meeyamna Leingaknani khanglakpana makha tana mirakta Bomb pokhaihallabasu meeyamgi ihoudi ninghannaba leiraroi haiba khanglakpana Kanglup ki irang thok-hanba haibasina anouba pambei ama oiraga meeyamgi ihoubu namthanaba hotnarakli. 

Meeyamgi Ihou asida Leingakna matam saangna phangliba makhei mabuk phattaba leingak mapusingna pambei ama nattraga pambei ama sijinnaduna meeyamgi ihou asibu natheinaba hotnarakkadouri. Maram aduna Manipur meeyamna tangkak asida kaobiroidabadi Thengthariba makhei khonglou pallouba henkatlakkadoubanina panthaba toudana ihou asi henna kansinba mathou tare. Leingakki oinadi mapham kayada kanglup ki irang sagatnaba hotrakli. Meeyamna sontharakliba makhei houjik changsilliba meeyamgi ihou asibu atoppa ihou amana namthanaba lallong kaya yatlakli. Ihou ama pandam phangdringei ihou amana namhatnaba hotnabasi Manipur da mahousani haibasi meeyamnasu henna wakhal tabirabani. Heiranglingei yurangba pamba kangbu kaya amasu thoklaktuna meeyamgi yelhoumi kannabagi changsilliba ihou asibu natheinaba aphaba saba paojel kayasu phouyan yansinnaba hotnarakpa yai. Hotnarakpa yaba haibabu meeyamna houjik thengkhang kayada uribasini. 

Manipur gi ngamkheida singnarakpagi wathok amasu khanghoudana laklibani, Meeyamna yelhoumi kannabagi ihouna kham thenglaklaba matamsida meeyamgi apunbagi wakhalbu maring maranghanba mawongda masil nattana masil saduna Pre-Merger status tanba, Schedule Tribe demand tousillakpa kaya amadi kanglup-ki irang sagatpa kaya amasu thoklaklibani. Lup asigi wakhallondi Pre-Merger tanbagisu matam leigani, matam aduda tanminnasi adubu Yelhoumi kannabagi ihou changsillingei cheirakta maphei phubasidi toubiranu, Ngamkhei-gi wathoksu meeyam kaothokte adubu houjik leiriba pungpham asida Yelhoumi kannabagi lanjang asi panthung younaba chatlibana tangkak amadi mai paklamkhisi aduga amuk meeyam hupna Ngamkheigi waphamsida panthaba toudana mai onsinsi. Meeyamna thengtharibamakhei meeyamgi mangjaba oigadouribana Yelhoumi kannabagi ihousi panthaba toudana henna kansinabagi tangaiphadaba leire. 

Meeyam pukning ani longbiganu Yelhoumi kannabagi ihousida maring marangba machet amaphaoba yaodana meeyamna ihou changsinbiyu. Nakal amaromda chiraba tanpham asida karigumba makhal-gi pamdaba thouwong ama hekta khudam oina Kanglup-ki irangnachingba thoklakpa tarabadi Madu Loilam India-na thok-hanba nattraga Ngasigi Manipur-gi Hanglai leingakki Thouwin-sinni haina louroidabagi maram leite. Karigumba Manipur-da adugumba pamdaba thoudoksing khudam oina Manipur gi lamkheida singnarakpa nattraga Kanglup-ki irangnachingba thoklakpa tarabadi Manipur meeyam amatta oina leptuna India-gi Mayokta lalhou changsinnaba sem sanabagidamak sem saduna leiri haibasi kaoba lan-gani. Lisang sitna Inida-gi Mabukchel seppa, Lounam touduna mihat mipul chathaba kayana meeyamgi ningdol pomduna laklibani. Pungpham asida meeyamna changsilliba Yelhoumi kannabagi ihou asibu natheinaba Loilam India amadi Hanglai Manipur leingakna makhal amattagi pambei sijinnarakpa thoklabadi Manipur meeyam-na amatta oina Loilam India-gi mayokta Civil War ama chatharakpasi mitna kuppada oithokkani haibasi Maoist Communist Party Manipur-gi achetpa thajabani. Lup asigi maikeidagi Houjik Leiriba Tangdu leitadaba phibam asida oirakliba Loilam India-gi lallong kayasing khudam oina Moreh, Churchandpur nachingbada oirakliba phibamsing asi yengluraga Meeyamna panthadana Yelhoumi kannabagi ihousi henna kansinbagi tangaiphadaba leire amadi thengtharabadi meeyamgi ihousi Leingak asina natheinaba hotnabagi tanja phangkhigani haibagi chingnaba leire maram aduna meeyam pantharagumsi.

No comments